बालबालिकालाई मनोसामाजिक परामर्श आवश्यक छ ।

जाजरकोट । जाजरकोटमा हामिले विभिन्न ठाँउमा गरि जम्मा १० वटा सि.एफ.एस.सन्चालन गरेका छौ । जहाँ बालबालिकाहरु दैनिक आउने गर्छन हामिहरु तिनै बालबालिका संग खेल्ने रमाउने गर्छौ कति कति बेला बालबालिकाहरु निकै डराउने गर्छन । गाडीको ठुलो आवाज आउँदा होस या अलि जोडले हावा चलेको बेला होस बालबालिकाहरु निकै डरारहेका हुन्छन ।
 भुकम्प गएको पनि २ महिना बितिसक्दा समेत बालबालिकाकोे मनबाट भूकम्पले डेरा छाडेको छैन । फेरी पटक पटकको पराकम्पनले मुटुमा ढ्याङ्ग्रो ठोकिरहन्छ र मन आत्तिरहन्छ । जसका कारण बालबालिकालार्ई मानसिक तनाव श्रृजना भएको छ । 

आफ्ना वरपर धेरै घरहरु भत्किएको देखेका बालबालिकाका मनमा विद्यालयमा भएका बेला फेरी भूकम्प आयो भने के गर्ने भन्ने कुरा मात्रै खेलिरहेको छ । 
‘स्कुलको भवन भत्किएको छ । भत्किन बाँकी भवन पनि चिरिएका छन्, बस्नै नमिल्ने गरी । हामी स्कुलमा भएको बेला भूकम्प आयो भने के गर्ने ?’ करुणा शाही भन्छिन्, ‘स्कुल जान नपरे पनि हुन्थ्यो जस्तो लागेको छ । तर के गर्ने एस.ई.इ.को तयारी गर्नु पर्ने ।’ भोक लागेर आए पनि खाना नरुच्ने समस्या पनि छ उनमा । ‘कार्तिक १७ गते भुकम्प आउँदा म खाटमा बसेर खाना खाँदै थिएँ ।’
यहि पुष २५ गते हामीले श्री त्रिभुवन माद्यामिक विद्यालय खलंगा जाजरकोटमा मानेपरामर्श सम्बन्धि कक्षा संचालन गरेका थियौ । उक्त कक्षा संचालन गर्ने क्रममा आएकी उनले भनिन्, ‘अहिले राती पनि भूकम्प आएकै सपना देख्नु । निन्द्रामैं बोल्ने गरेको छु भन्नुहुन्छ ममीले । त्यहि भएर म सामाजिक मनोपरामर्श लिन आएकोे । भोक लाग्छ तर खाना रुच्दैन ।’करुणा जस्ता अन्य ६ जना किशोर किशोरीले यस्तै समस्या सुनाए हामीलाई । यो एक किसिमको मनोसामाजिक समस्या हो । मनोसामाजिक परामर्श अर्थात काउन्सिलिङको माध्यमबाट विद्यार्थीमा परेको मनोसामाजिक असरलाई कम गर्न सकिन्छ ।

‘ जिल्लाका प्राय विद्यालय भवन भत्किएका छन् । विद्यार्थीमा एक किसिमको त्रास पैदा भएको छ । विद्यालय खुल्नु अगाडी नैं शिक्षक, अभिभावक तथा विद्यार्थीलाई मनोसामाजिक परामर्श सेवा दिनुथ्र्यो । शिक्षकलाई मनोसामाजिक परामर्श दिएर । उनीहरुमार्फत विद्यालय तहमा त्रासको वातावरण हटाउन सकिन्छ् । शिक्षक तथा विद्यार्थीलाई मनोसामाजिक परामर्श दिएर पाठ्यपुस्तक नभए पनि त्यस्ता केन्द्रमा बोलाएर अतिरिक्त क्रियाकलापमार्फत विद्यार्थीहरूलाई ज्ञान दिन सकिने हाम्रो उद्धेश्य हो । शिक्षकलाई दिने त्यस्तो मनोसामाजिक परामर्शका लागि जिल्ला शिक्षा तथा समन्वय ईकाइ कार्यालयले विद्यालय निरीक्षक, स्रोतव्यक्ति, मनोविज्ञ तथा परामर्शदाताको सहयोग लिन आवश्यक । 

दशै तिहारको विचको समय (कार्यालय र विद्यालय बन्द भएको समय ) राति ११ः४७ मा आएको भूकम्पका कारण कम मात्रै क्षति भएको भन्नेहरु पनि छन् । विद्यालयलाई भूकम्प प्रतिरोधी बनाउन र बालबालिकाको मस्तिष्कमा परेको त्रासलाई हटाउने विषयमा अहिल्यैदेखि संवेदनशील भएर नलाग्ने हो भने अबका दिनमा आउने भूकम्पका धक्काले कसैलाई माफ गर्नेवाला छैन ।