चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी

काठमाडौं । राष्ट्रिय परीक्षा बोर्डले यसवर्षको माध्यमिक शिक्षा परीक्षा (एसईई) परीक्षा आगामी चैत १५ गतेदेखि गर्ने निर्णय गरेको छ । बोर्डको आइतबार बसेको बैठकले चैत १५ गतेदेखि २७ गतेसम्म परीक्षा सञ्चालन गर्ने बोर्डका परीक्षा नियन्त्रक कृष्णप्रसाद शर्माले  जानकारी दिए ।

शर्माका अनुसार पहिलो दिन अंग्रेजी विषयको परीक्षा हुने छ । विद्यालय शिक्षा विधेयकमा एसईई खारेज गर्ने प्रावधान राखेपनि विधेयक पास भएर कानुन बन्न नसक्दा यसवर्ष एसईई परीक्षाका लागि बोर्डले एसईईको मिति तोकेको हो ।

यद्यपि, बोर्डले भने एसईई परीक्षा हटाउन नहुने भन्दै आएको छ ।