‘फाइटर’मा ऋतिक र दीपिकाको लुक सार्वजनिक

मुम्बई । ऋतिक रोशन र दीपिका पादुकोण स्टारर फिल्म ‘फाइटर’ चर्चामा छ । यसैबिच चलचित्रमा दीपिका र ऋतिकको लुक सार्वजनिक गरिएको छ ।  यो फिल्म भारतको पहिलो एरियल एक्सन फिल्म हुनेछ।

इन्स्टाग्राममा पोस्टर सेयर गर्दै दीपिकाले लेखेकी छिन्– स्क्वाड्रन लिडर मीनल राठोड, कल साइनः मिन्नी, पदनामः स्क्वाड्रन पाइलट र युनिटः एयर ड्र्यागन । यसअघि ४ डिसेम्बरमा ऋतिक रोशनले फिल्मको पहिलो लुक सामाजिक सञ्जालमा सेयर गरेका थिए ।

उनले क्याप्सन लेखेका छन् ९ स्क्वाड्रन लिडर शमशेर पठानिया उर्फ ​​प्याट्टी। उनले आफ्नो पद र एकाइ पनि खुलासा गरेका छन् । फिल्ममा ऋतिक रोशन र दीपिका दुवै स्क्वाड्रन पाइलटको लुकमा देखिनेछन् । दीपिकाको पोस्टमा कमेन्ट गर्दै पति रणवीर सिंहले यसको तारिफ गरेका छन् । 

दीपिकाको लुकको सबैले तारिफ गरिरहेका छन् ।  अभिनेता९निर्देशक फरहान अख्तरले ऋतिकको पोस्टमा लेखेका छन्९ शार्प लुक। त्यस्तै पूजा हेगडेले लेखेकी छिन्, ‘तपाईं कति राम्रो देखिन्छौँ  ऋतिककी प्रेमिका सबा आजादले पनि कमेन्ट गरेकी छिन्– गो प्याटी ।

‘स्पिरिट अफ फाइटर’ नामको फिल्मको टिजर १५ अगस्टमा रिलिज भएको थियो । ५७ सेकेन्डको यो टिजरमा ऋतिक, दीपिका र अनिल कपूरको एयर फोर्स अफिसर लुक्स सार्वजनिक गरिएको थियो । सिद्धार्थ आनन्दको निर्देशनमा बनेको यो फिल्म २५ जनवरीमा रिलिज हुँदैछ । सिद्धार्थ आनन्दले यो फिल्म २०२१ मा घोषणा गरेका थिए ।

ऋतिक रोशन र दीपिका पादुकोण पहिलो पटक ‘फाइटर’ मा सँगै देखिने भएका छन् । यी बाहेक यस फिल्ममा करण सिंह ग्रोवर र अक्षय ओबेरोय पनि देखिनेछन् ।